Aizarnazabal

 

Jangela zerbitzua:

 

Kudeaketa zuzeneko jangela da, eskolak kudeatzen du baina Hezkuntza Sailaren agindupean. Jangelaren ardura eta kudeaketa ekonomikoa Amaiak eramaten du.

 Aurten  34 ohiko bazkaltiar ditugu,  ratio honen arabera, 3 pertsona ditugu officce lanetarako eta begirale bezala, Auzolan catering enpresaren langileak diren Mari Karmen,  Esti eta Larraitz.

          Jantokiko ordutegiak goizeko klase orduak bukatzen direnetik, arratsaldekoak hasi arte irauten du. Astelehenetan izan ezik, 14:00etan amaitzen da jangela zerbitzua. Goizez gaudenean 13:00tik 14:00ak arte.

           Jankideak onartzeko epean, ikasturte osoan, jantoki zerbitzua astean gutxienez 4 egunetan erabiltzen dutenak  joko dira ohiko jankidetzat. Ikasleek jantokia zerbitzua erabiltzeko izenemateko epea urriaren 15arte luzatuko da.

Jankideak onartzeko epetik kanpora, honako hauek joko dira ohiko jankidetzat:

-         Epez kanpo matrikulatutako umeak. (matrikula berriak)

-         Ikasturtean zehar ikastetxera joateko baimena lortu dutenak Hezkuntzako Lurralde Ordezkaritzako Jantokien Zerbitzutik.

Beste guztiak ez-ohikoak izango dira

2016-2017  ikasturteko kuotak:

a)Ohiko jankideak 4.60 €
b) Garraiorako eskubidedun ohiko jankideak: 3,30 €
c) Ez ohikoak: 5,20 €.

Ikastetxeak jankideen kopuruaren aldaketa jakinaraziko dio enpresari, 48 ordu lehenago jakinarazi ere, enpresak menu kopuru egokia bidal dezan. Bazkaltiarrek hilero bazkari zerrenda jasoko dute.

Ohiko bazkaltiarrei (ikasturte osoan,astean,gutxienez, 4 egunetan erabiltzen dutenak jantoki-zerbitzua) noizbehinkako hutsegiteak ez zaie kontuan hartuko eta kuota berdin kobratuko zaie.

SALBUESPENAK

Jantokiko kuotaren zati bat itzuliko da honako kasu hauetan:

  1. a) Ikasle-kolektibo bat ez denean jantokira joaten aurrez onartutako eta programatutako jarduera osagarriak egin eta piknik zerbitzurik behar ez badute, beti ere, aurrez enpresa esleipendunari jakinarazten bazaio. Ahal dela, jarduera horiek jarduera horiek ikasturte hasieran planifikatu eta jakinaraziko zaizkio catering-enpresari. Hori hala egitea posible izango ez balitz, planifikatzen diren unean jakinaraziko dira eta, edonola ere, gutxienez 48 ordu lehenago.
  2. b) Jankidea ez bada astebetez edo aste gehiagoz jarraian jantokira joan behar, beti ere, gutxienez 48 ordu lehenago jakinarazten bada.

Bi kasu horietan itzuli beharreko zenbatekoa kasu bakoitzean ikasleak ordaindu beharreko kuotaren &percent; 50 izango da.

Beka eskatzen dutenei, erantzuna jaso arte, jangela kobratzen zaie; baiezkoa bada, dirua itzultzen zaie. Jangelako beka eskolak jasotzen du.

Jangelako ikasleak 12:30etatik 14:30etara zaintzaileen ardurapean daude. Jangelako ikasleek tarte horretan arduradun hauen esanak bete behar dituzte. Bestalde, guraso batek zaintzaileekin hitz egin nahi badu, ikasleak klasean sartu arte itxaron beharko du, eta aurretik ordua eskatu behar du. Beti 12:30etatik 13:30etara bazkaltzeko denbora errespetatu egingo da eta soilik ordu horretatik aurrera eskolatik atera ahal izango da.

Jangelako orduetan ikasleek ez daukate ikastetxetik ateratzerik; horretarako, gurasoek sinatutako baimena behar da.

Jangela orduetan istripuren bat gertatu ezkero jangelako arduradunak bideratuko du egin beharrekoa. Horretarako, ikastetxean larrialdietarako dagoen prozedura jarraituko da.

 

 

Harpidetu nahi dut

Azken albisteak

Sarrerak

Atalak

Irakasleen koordinatzailea

Gurasoen koordinakundea