Bihar, martxoak 22, botako dute Alkizako Eskola zaharra. Eremu berdinean egin behar denez eskola berria, prestaketa lanetan ari dira azken egunotan.
Aurreikuspenen arabera, 2019-2020 ikasturtean zehar, edo beranduenez 2020-2021 ikasturtean hasiko du Alkizako Eskola berriak berer ibilbide berria.
Beste urte batez ere Tolosako Berazubi estadioan izango da Eskola Txikien arteko Kirol Topaketa. Martxoaren 22a izango da hautatutako eguna, baldin eta eguraldi ona bada. Olinpiada txikien moduan hasitako proiektu honi esker, gerora Bigarren Hezkuntzako Ikastetxeetan elkartu daitezkeen herri txikietako ikasleak elkartzen dira atletismoari loturiko ekintzak eta kirolak egiteko. Tolosako Berazubi estadioa izaten da topalekua, herrietan ez dauzkagun instalazioak egoten direlako bertan, eta atletismoari loturiko ekintza hauek ikasleen inetresa pizten dutelako.
Martxoaren 30ean, larunbata, izango da aurtengo Eskola Txikien Jardunaldia. Bertan jorratuko ditugun gaiak sexu heziketa eta genero hezkuntza izango dira, iazko jardunaldietan parte hartzaileen artean jasotako proposamenak kontuan izanda. Jardunaldi hauen helburua aditu batzuen eskutik sexu heziketa eta genero hezkuntzari buruzko informazioa jaso, modu erabilgarriak ezagutu, eta hausnarketa bat egitea da.
Oikiako Eskola berriaren obrak martxa onean doaz.
Alkizako Eskolan martxan dute Baso Eskola proiektua azken ikasturteetan. Gipuzkoako Hitzak, bere azken edizioan, artikulua publikatu du gaiaren inguruan sakontzeko.
Hauxe esteka:
Urtarrilaren 28tik otsailaren 8ra bitartekoa izango da 2019-2020 ikasturterako matrikulatzeko eskabideak aurkezteko epea. Haur eta Lehen Hezkuntzan zein Derrigorrezko Bigarren Hezkuntzan matrikulatzeko egutegi komun bat ezartzen da eta ondokoa izango da egutegi hori:
Gauza jakina da dagoeneko matrikulatuta dauden pertsonek ez dutela onartzeko eskaerarik egin beharko eta automatikoki bermatuko dela ikastetxe bereko etapa edo maila desberdinetan ikasten jarraitu ahal izatea.
Beste alde batetik, Eskola Txikietako Lehen Hezkuntzako 6. mailako ikasleek ez dute onartzeko eskaerarik aurkeztu behar Derrigorreko Bigarren Hezkuntzako 1go mailan sartzeko dagokion institutuan, baldin eta atxikitako institutua bakarra bada, horrek, ordea, ez du esan nahi onartzeko eskaerarik aurkeztu ezin denik ibilbide eskolarrean dagokion institutua ez den beste batean matrikula egin nahi badu.
Informazio gehiago eskoletan bertan izango duzue, eta baita ondoko esteketan ere:
Agindua, 2018ko abenduaren 19koa
Informazio berritua Irekian
Arroako Eskola berriaren obrak martxa onean doaz. Eskola itxura hartzen hasia da dagoeneko.
Aurreikuspenak betetzen badira 2019-2020 ikasturteari bertan ekin ahal izango dio Arroako Eskola Komunitateak.
2018-2019 ikasturte honetako I.Topaketa egingo dute Gipuzkoako Eskola Txikietako Zuzendariek azaroaren 29an Lasarte Oriako Berritzegunean.
26 eskoletako Zuzendariak elkartu eta gai ezberdinen inguruko lanketan anitzak egiten dira Topaketetan.
Oraingoan Eskola Komunitatearen parte hartzea eta inplikazio zein motibazioak indartzeko estrategia ezberdinen inguruko lanketa egingo da.
