Bidania-Goiatz

Kudeaketa zuzeneko jangela da, eskolak kudeatzen du baina Hezkuntza Sailaren agindupean. Jangelaren arduraduna: Ainhoa Mitxelena
Ausolan catering enpresaren janaria eta langileak ditugu.
Jantokiko ordutegia 12:30tatik 14:30ak arte da. Goizez bakarrik gaudenean, 13:00tatik 14:30ak arte.
Jankideak ohikotzat joko dira jantoki zerbitzua astean behin erabiltzen dutenak.
Ez ohikoak izango dira jantoki zerbitzua noizean behin erabiltzen dutenak.
Kuotak:
a)Ohiko jankideak 4.60 €
a. b) Ez ohikoak: 5,20 €.
Beka eskatzen dutenei, erantzuna jaso arte, jangela kobratzen zaie; baiezkoa bada, dirua itzultzen zaie. Jangelako beka eskolak jasotzen du.
Ikastetxeak jankideen kopuruaren aldaketa jakinaraziko dio enpresari, 24-48 ordu lehenago jakinarazi ere, enpresak menu kopuru egokia bidal dezan.
Bazkaltiarrek bazkari zerrenda jasoko dute (triptikoa).
Jangelako ikasleak 12:30etatik 14:30etara zaintzaileen ardurapean daude, tarte horretan arduradun hauen esanak bete behar dituzte. Jangelako orduetan ikasleek ez daukate ikastetxetik ateratzerik; horretarako, gurasoek sinatutako baimena behar da.

Urte batzuk badira familien beharrak asetu nahian goiz txokoa martxan jarri zela. Goizeko zazpi eta erdietan hasten da eskaintza hau eta ikasleak eskolan sartu bitarteko tartea betetzen du.
Familiei hiru aukera ematen zaizkie, 7:30etik 9:00rako tartea, 8:00tik 9:00rako tartea, 8:30etik 9:00rako tartea.


Zerbitzu honen kostua ordutegien baitan:    

  Ohikoa hilabeteko  Ez ohikoa eguneko 
 7:30-9:00  80 € 4,50 € 
 8:00-9:00 60 €  4,00 € 
8:30-9:00  30 €  4,00 € 

 

Oharrak:

  • Zerbitzua irailaren 7an martxan jarriko da.
  • 7:30tako zerbitzua martxan jarriko da baldin eta familiaren batek ohiko zerbitzua eskatzen baldin badu; bestela zerbitzua 8:00-9:00 bitartean izango da.
  • Ohiko erabiltzaile izango direnak Guraso Elkarteko juntakideoi jakinarazi behar diguzue, mesedez, irailaren 4a baino lehen.

Osasun neurriak eta zerbitzuaren erabilera arauak:

 

  • Zaintza zerbitzua jangelan izango da, eta ume bakoitza zaintzaileak esandakoespazioan egon beharko du; eskolatik libreki ezingo delarik ibili. Zerbitzuaren erabilera ondoren zaintzaileak erabilitako esparrua desinfektatuko du.
  • Maskarilla-Musuko erabilera: Adinaren arabera Ikastetxeak araututako irizpide berdina jarraituko da.
  • Zaintzara sarrera:
    • Jangelako atetik izango da eta gurasoak ezingo dira ikastetxean sartu.
    • Sartzerakoan eskuak desinfektatuko dira eta haurrari tenperatura neurtuko zaio. 37º C baino gehiago baditu ezingo du zerbitzua erabili.
  • Komuna: beheko komun bakarra erabiliko da, eta erabilera bakoitzaren ondoren zaintzaileak desinfektatuko du.
  • Jolasak eta materiala: ezingo da eskolako materialik erabili; norberak bere entretenimendurako materiala eraman beharko du.
  • Eskolara sarrera: zaintzailea arduratuko da ume bakoitza ikastetxeak izendaturiko tokira eta ordutegian bideratzen.

Edozein zalantza edo argibiderako Guraso Elkartearekin harremanetan jarri.

Azken albisteak

Sarrerak

Atalak

Irakasleen koordinatzailea

Gurasoen koordinakundea