Alkiza

Gipuzkoako Eskola Txikiak

Gipuzkoako Eskola Txikiak adin aniztasuna bultzatzen duten tamaina txikiko eskolak dira, landa eremuan kokatuta daude, eta hiru ezaugarri horien ondorioz lan on bat egiteko aukera ugari eta anitzak dituzten eskolak dira

Inprimatu

1 minutuko irakurketa (90 hitz)

ESKER ONEKO HAMAIKETAKOA LANGILEEI

Alkiza

Alkizako eskola

Astelehena, 04 Azaroa 2019

1168 Ikustaldi

0 Comments

Eskola berriaren eraikitze lanak aurrera doaz, eta denbora gutxi barru estreinatzeko prest izango da alkizarron eskola. Gure ametsak betetzeko burubelarri aritu dira lanean langileak, udako eguzki berotan, zein neguko egun hotzetan, beti abegikor eraikinera gerturatzen ziren ikasle, irakasle eta herritarrak irribarrez hartuz.

Hori dela eta, ikasleek, euren esker ona azaltzeko hamaiketakoa eskaini zieten joan den ostegunean. Garaiko eta inguruko produktuekin egindako oturuntza izan zen: bertako sagarrekin egindako irasagarra, konpota, gaiztain erreak, gazta, eta entsaladila errusiarra. Zimiterioan atondu zuten mahaia, eta bertan eman zieten txalo zaparrada batekin ongi etorria langile guztiei. Eskerrik asko!!!