Altzo

2 minutes reading time (409 hitz)

SAHARAKO BIDAIA

 2018ko irailaren 22tik 29ra , EAThink proiektua eta Euskal Fondoaren eskutik, Saharako errefuxiatuen kanpamenduetara aste beteko antolatu duten bidaiara joateko aukera izan dut. Bidai honen helburuak hauexek izan dira:

  • Saharako Errefuxiatu Kanpamenduetako errealitatea ezagutzea, batez ere elikagai ekoizpenari eta hezkuntzari lotuta.
  • Saharar herriko irakasle eta ikasleekin esperientziak trukatzea.
  • Bertan, hezkuntza eta elikadurari loturik garatzen ari diren garapenerako lankidetzako proiektuak ezagutzea.
  • Kultur aniztasuna lantzea, ikastetxean hori lantzeko erremintak garatuz, Saharar herri eta kultura ezagutzea eta haiekin trukea bultzatzea.
  • Gaur egungo munduaren interdependentzia globalak lehen eskutik ezagutzea eta haien kontzientzia hartzea, gerora ikastetxeetan lantzeko erremintak garatuz.



Zazpi egun motz gera daitezke lau hamarkadakomuina ulertzeko baina era berean nahikoak izan dira hango bizimodu gogorrez jabetzeko. Sahararrek 42 urte daramatzate Tindufeko ( Aljeria) errefuxiatuen kanpalekuetanberaien herria berreskuratzeko borrokan; Marokok Mendebaleko Sahara okupatu eta indarrez kanporatu zituen, makina bat herritarren giza eskubideak errotik urratuz. Aljeriako ipar-mendebaldean aurkitu zuten babesa eta emakumeak arduratu ziren deusetatikherri berri bat eraikitzeaz. Gaur egun, kalkulatzen da, 150.000 lagunek esperoan jarraitzen dutela basamortuan hainbat politikarien erabakien zain.



Aipatu behar dut esperientzi pertsonal bezala izugarria izan dela. Alde batetik oso gogorra han bizitutakoa, baina bestetik, aberatsa jasotakoa. Aukera paregabea izan dugu bertako antolamendua ezagutzeko ( hezkuntza, osasuna, ura, emakumeak, ingurumena, proiektu berriak, garraioa…).



Goizeko ordu txikitan iritsi ginen, eta ilargiaren argia inon baino biziagoa zen arren, ilunpetan nola edo hala lortu genuen etxea topatzea gure gidaria zen Tawueloren eskutik. Hilabeteko otordu guztiak nekez osatu ditzakeen familia berak hozkailuko janaririk preziatuenak jarri dizkigu, eguna joan eta eguna etorri. Etxeko ateak irekitzea gutxi ez balitz, bihotzak zabaldu dizkigute eta urte guzti hauetan sortutako zaurien berri eman digute.



Familia sahararrak jada hiru belaunaldiz osatuta daude, eta iraganaren eta etorkizunaren arteko lerroa amaiezina dirudi. Amets bakarra herriaren autodeterminazioa da. Aspaldi, Mendebaldeko Saharatik ihes egin zuen amonak deusezetik eraiki zuen bizitoki berean hezi behardu mugikorraren eta teknologiaren menpe dagoen biloba; belaunaldi arteko talka parez pare . Hau guztia, behin behineko bizitokia izan behar litzatekeen muturreko lurraldean.



Haurren zoriona irribarrean txertatu zaigu eta tea zainetatik doakigu aste bete ondoren. Duintasunez betetako herri baten parte sentitu gara basamortuaren erdian; indarrak batu ditugu bizi duten egoera horren amaiera berandu baino lehen irits dadin eta guzti horren berri gure ikastetxeetan izan dezaten. Azken finean, herritar guztion esku dago errealitate hori aldatzea. Saharak ez luke bizirauteko laguntzarik beharko bere lurren jabe balitz. Konponbidea ez da baliabideak bidaltzea, berez dituztenak berreskuratzen laguntzea baizik. Babes politiko hori bultzatzea da herritarren eta bere ordezkari politikoen eginkizuna. Irakasle bezala ere hauxe izango da nire egin beharra bertan ikusitakoa zabaltzea eta ikasleekin hausnarketa bideratzea.


Josebe Rezola

Berriz Basajaunaren bila
Erromeria Orendainen
 

Iruzkin

No comments made yet. Be the first to submit a comment
Already Registered? Login Here
Guest
Astelehena, 29 Azaroa 2021

By accepting you will be accessing a service provided by a third-party external to https://www.eskolatxikiak.eus/

Gaiak

duatloi ELURRA GIZON PETER PAN Ereñotzu ingelera urtebetetzea santa EURIA paseotxoa zientzia altxorra GAZTAINA udaberria eskea HaurHezkuntza sindromea aldaketa proiektu munduko COOKING txokolatea AZTERTZEN oporrak programa klima AUTOBUSA saskia tomatea baratza zaindu san sebastian lana igeriketa koloreak KRISTINAENEA ereñotzu Txirrita liburua ZABORRA unitate txandaka hitzkuntza IBAIA batidoa yogurra JANA sukaldaritza martxoa ilusio zelai BIKAINA BALEA #irteera amaia Martxoak 8 aste santua natura ipuina down Elkarrizketak antzerkia GAZTAÑAGA bizipenak MOZORROA bideo abenturak SUKALDEA eguraldi koplak porrotx marrazoak Musika Guraso elkartea txiki ikasleak zapaburu GOZATU Igeldo europa grabazioa GABONAK basoa TOLOSA futbol 21 lorez irteera JANARIA bolondres gonbidatu UDALETXEA bizirik katu eguna SOKATIRA didaktikoa ARGAZKIAK eguraldia ikastaroa olentzero murala bixita txangoa NEURKETA sariduna PROIEKTUAK baserria gona KIROL errezeta eskola euskara etxea TRIPAKADA ageda inauteria zuhaitz hiriburu bisita txistorra mari LAGUNTXO platanoa ukendua TOPAKETAK hirutxulo zozketa ipuinak altxorraren kutxa ingurunea adin bizimodua MUSIKARIA Imanol Mercero Introduzca el texto aquí ipuin #ESKOLA FESTA Ostadar science intsektua BERDINTASUNA klipa barria mad kontalari proiektua topaketa tresneria TXITAK INKUBADORAN from angiozar eskola on Vimeo. oilasko JAIA AMANCAY liga pirritx xumea IBILBIDEA irudia nazioarteko inurria MUTIL kontaketa EMAKUMEA ENTSALADA egunerokoa KORRIKA ekitaldi kutxa artoa AKURIUM HAMAIKETAKOA neska arotzenea festa esperimentu GELAK familia gorria tanborrada tailerra PAILAZOAK park danbor planeta JOLASA liburu bidaia AGENDA hiruhilekoa igela osteguna imanol

Irakasleen koordinatzailea

Gurasoen koordinakundea