Ereñotzu

1 minutuko irakurketa (262 hitz)

KORONABIRUSAREN HEDAPENA MURRIZTEKO, TXIRRITAKO DENOK ETXEAN.

Koronabirusa gehiago ez zabaltzeko, Txirritako ikasleak egun batzuek etxean egongo ginela jakin genuen iragan martxoaren12an. Eusko Jaurlaritzako Hezkuntza Sailak agindu zuenez, 15 egunez gutxienez, ezingo ginen eskolara etorri. Hala ere, horrek ez zituen ikasleen artean lehendik sortuak zeuden kezkak arindu eta zalantza (eta beldur) horiek guztiek egoki kudeatzen saiatzeko helburuarekin, jarduera interesgarri batzuek egin genituen azken aste hartan.

Gai hau komunikabideetan agertzen hasi zenetik, ikasleen ahotan hainbat galdera zebiltzan bueltaka. Hori horrela, asteazken arratsaldean, martxoak 11, Izaskun Miner, eskolako ama eta pediatra denak, birusaz komunitate zientifikoak zekienaz informazioa egokitu eta ikasleei azaldu zien. Une hartako prebentzio neurrien berri ere eman zien Esploratzaileen gelakoei (5. eta 6. mailak), bakoitzak bere esku zegoena egoki egiten hasteko aukera izan zezan.

Biharamunean berriz, osteguna, gure ikastetxeko ikasle nagusienak diren hauek, gainerako taldeei azalpenak emateko ardura hartu zuten. Talde txikitan banatu eta Hegaztiei (3. eta 4. mailakoei), Izarrei (1. eta 2. maila) eta Kolore zein Marrazoei (Haur Hezkuntza) bisitatxoa egin zieten. Ederki azaldu zuten, gelaz gela, zer egin behar dugun gure aldetik birusaren zabalkuntza azkar hau mugatze aldera. Koronabirusaren ipuin eta abestiarekin amaitu zuten prestatu zuten azalpena, lasai eta umorez.

Ziurra zen elkarren hutsa sumatuko genuela egun hauetan guztietan baina dagoeneko ari gara ziber-harremanean trebatzen. Ikasle askok bidalitako lantxoak burutu eta helarazten dizkiguzue, bejondeizuela langileak!

Bestalde, adi egon informazioari, dagoeneko eskulan edo bertso bidez eskola osoa saltsan hasiak gara eta! Laster bidaliko dizkizuegu erronka berriak familiei, elkarren berri izaten jarrai dezagun!

Guztion artean, etenaldi honi onena atera eta bestelako bideak aurkituko dizkiogu.

Norbere burua zainduz, besteak ere zainduko ditugu.

#EtxeanGelditu!

Oharra: argazki batzuek eta informazio interesgarri pixka batera jo nahi baduzue, egin klik irudian. 

Etenaldirako ekintzak
BELAUNALDIEN TOPAKETAK LH 5. eta 6. mailakoek

Gaiak

IBILBIDEA TRIPAKADA paseotxoa MUTIL ELURRA AGENDA ekitaldi topaketa euskara Ereñotzu programa JAIA irteera sindromea BALEA bizipenak zaindu txokolatea JOLASA marrazoak santa gona aldaketa hirutxulo abenturak TOPAKETAK grabazioa hiruhilekoa AUTOBUSA Imanol Mercero JANARIA bizirik festa murala zelai Guraso elkartea bixita BERDINTASUNA #ESKOLA FESTA EURIA futbol Ostadar park proiektu tresneria altxorraren kutxa eguraldia SUKALDEA ipuinak BIKAINA kontalari katu eguna NEURKETA gorria liburu adin san sebastian ingurunea science batidoa errezeta AZTERTZEN danbor igeriketa klima EMAKUMEA mad down ARGAZKIAK artoa Txirrita HAMAIKETAKOA GOZATU GIZON duatloi aste santua ZABORRA bizimodua eskea AKURIUM zientzia COOKING TXITAK INKUBADORAN from angiozar eskola on Vimeo. SOKATIRA Musika saskia PROIEKTUAK ipuin hiriburu GELAK imanol arotzenea baratza intsektua zapaburu bidaia neska mari esperimentu KRISTINAENEA TOLOSA baserria basoa tailerra koloreak oilasko AMANCAY sukaldaritza platanoa liburua tomatea kontaketa PETER PAN igela proiektua nazioarteko GAZTAÑAGA munduko eguraldi txangoa familia xumea porrotx ingelera europa ipuina ikastaroa gonbidatu PAILAZOAK yogurra bisita inurria etxea bideo pirritx zuhaitz KORRIKA lorez ereñotzu klipa ikasleak unitate #irteera LAGUNTXO ilusio JANA ageda UDALETXEA 21 planeta altxorra eskola tanborrada zozketa natura sariduna antzerkia udaberria oporrak bolondres didaktikoa KIROL koplak Elkarrizketak amaia ENTSALADA txistorra lana martxoa txiki txandaka inauteria hitzkuntza egunerokoa IBAIA Martxoak 8 GAZTAINA ukendua urtebetetzea HaurHezkuntza barria irudia kutxa MUSIKARIA olentzero osteguna liga MOZORROA

Irakasleen koordinatzailea

Gurasoen koordinakundea