1988 urtean “Eskola txikiak bizirik” lelopean ospatu zen lehenengo festa Bidegoianen.

Urtero, ekaineko bigarren igandean, Gipuzkoako herri txiki edo auzo batean elkartu eta festa giraon murgilduta, herriak eta eskolak elkarren beharra dutela gogoratzen dugu. Umerik gabeko herriak ez baitu etorkizunik, eskolarik gabeko herriak ez baitu bizirik: “Eskola Txikiak bizirik herri txikiak bizirik”.

Eskola Txikietako haur, guraso eta irakasleen festa izaten da ekainekoa; elkar ezagutu eta elkarrekin gozatzekoa, txikitasunaren handitasuna aldarrikatzekoa, gure aniztasuna ospatzekoa.

Azken urteetan Festa antolaketa erraztu ahal izateko hainbat dokumentu osatu dira. garrantzitsua da eskura izatea: 

• Eskola Txikien Festaren arautegia
• Festa antolatzeko kronograma orientagarria
• Festa antolatzeko batzorde antolaketa orientagarria