Berrobiko eskolak STEAM Euskadi Sarien 2022ko 3. edizioan STEAM Euskadi Zigilua lortu du. Zorionak!

Heize elkarteak antolatutako kongresuan parte hartuko du Jugatx Ormaetxe Gabilondok, Eskola txikietako esperientzia FEDEIP eta FEDADI elkarteetako partaideekin partekatuz.

Martxoaren 4ean Lizartzan elkartu ziren Gipuzkoako Eskola Txikietako familiak, Gipuzkoako Guraso Koordinakundeak antolatutako jardunaldien baitan. Rakel Gamito izan genuen hizlari eta hamaiketakoa eta gero Altxa Burua taldeak dinamizatutako solasaldia izan genuen.

Martxoaren 10ean Gipuzkoako eskola txikien kirol topaketak ospatuko ditugu Tolosako Berazubi estadioan. Goiz guztiko ekimena izango da eta 3.,4.,5. eta 6. mailako ikasleek parte hartuko dute. Parte hartuko duten eskolak:

Aizarna LHI, Arroa LHI, Oikia LHI,  San Martin LHI (Errezil),  Lizartza LHI,  San Andres LHI (Berrobi),  Aduna LHI,  AlbizturLHI,  Zubieta LHI,  Txinkorta LHI (Bidania- Goiatz), Alkiza LHI,  Aginaga LHI,  Igeldo LHI, Txirrita LHI (Ereñozu) , San Millan LHI (Zizurkil), J.M. Muñagorri LHI (Berastegi), LarraulLHI, Angiozar LHI, Balentzategi LHI (Gabiria), Urkipe LHI (Itsasondo), Ikaztegieta LHI, Imaz Bertsolaria LHI (Altzo), Txalburu LHI (Abaltzizketa) Ezkio itsaso LHI eta Olaberria LHI

Eskola Txikien Festaren aurtengo edizioak badu data eta lekua: 2023ko ekainaren 11an ospatuko da, Lizartzan, hain zuzen. Dagoeneko herritarrak buru-belarri jarrita daude egun hori ahalik eta egokien antolatzeko, baita Lizartzako herri eskola ere. Honetarako, ikasleak eta beste eskola txikiak girotzen saiatuko direla azaldu dute antolatzaileek, eta jai egun polit bat antolatzeko eta ospatzeko elkarlana ezinbestekoa izango dela azpimarratu dute: «Esan bezala, festa antolaketa beharrezkoa duen bezala, badu berea duen ezaugarri bat ere. Eskola txikiak elkartu baina, aldi berean, herri bakoitzari bere nortasuna ematen diona, eta hori logoa da».

1996an Lizartzan ospatuko zen Eskola Txikiaren Festarako sortu zuen Josu Garmendia herritarrak logoa. Aurten, ordea, logoa berritzea erabaki dute, eta horren ardura hartu du Amets Esnaola herritarrak: «Guraso elkartetik logoa berritzeko gonbidapena egin zidaten. Beraz, logo zaharra errespetatuz eta bere elementuak oinarri hartuta, egokitzapen bat egin dut».

Iturria: Tolosako ataria

Euskadiko Eskola Txikietako maisu maistrak Aramaioko Kultur Etxean 12 ordutako formazioa egiten ari gara Elena Laizen eskutik.

Saio hauen helburua, gure eskoletan irakurketa eta idazketa prozesuen inguruko ezagutza bultzatzea da, ikuspegi eraikitzailea ildo eta oinarri pedagogiko bezela hartuta, ikasleen irakurteta eta idazketa prozesuak zeintzuk diren ezagutzea ezinbestekoa da gure eskuhartzeak doituak izan daitezen eta ibilbide horretan bidelagun izan gaitzaten eskolako hezitzaileak.