Maiatzaren 17an egingo da aurtengo Antzerki Topaketa Aizarnazabalen. Urteroko ohiturari jarraituz, Aizarnako, Arroako, Angiozarko eta Oikiako haur eta irakasleak Aizarnazabalgo eskolan elkartuko dira, bertakoak ere zain izango dituztelarik. Antzerkia izaten da aitzakia, harremanak sendotzeko eta elkar ezagutuz, egun eder bat pasa ahal izateko. 

Previous Next

BADATOR KORRIKA !!!!

Euskaraz bizi eta euskaraz hazi nahi dugun eskolak gara eta bertako hizkuntzan bizitzeko hautua egin dugu.

Hori dela eta, Eskola Txikien komunitateak 2034 km erosi du Agiña inguruan. Gurekin korri egin nahi baduzue apirilak 12an eguerdiko 14.30ak aldera gonbidatuta zaudete

Bihar, martxoak 22, botako dute Alkizako Eskola zaharra. Eremu berdinean egin behar denez eskola berria, prestaketa lanetan ari dira azken egunotan. 

Aurreikuspenen arabera, 2019-2020 ikasturtean zehar, edo beranduenez 2020-2021 ikasturtean hasiko du Alkizako Eskola berriak berer ibilbide berria. 

Beste urte batez ere Tolosako Berazubi estadioan izango da Eskola Txikien arteko Kirol Topaketa. Martxoaren 22a izango da hautatutako eguna, baldin eta eguraldi ona bada. Olinpiada txikien moduan hasitako proiektu honi esker, gerora Bigarren Hezkuntzako Ikastetxeetan elkartu daitezkeen herri txikietako ikasleak elkartzen dira atletismoari loturiko ekintzak eta kirolak egiteko. Tolosako Berazubi estadioa izaten da topalekua, herrietan ez dauzkagun instalazioak egoten direlako bertan, eta atletismoari loturiko ekintza hauek ikasleen inetresa pizten dutelako. 

Previous Next

Martxoaren 30ean, larunbata, izango da aurtengo Eskola Txikien Jardunaldia. Bertan jorratuko ditugun gaiak sexu heziketa eta genero hezkuntza izango dira, iazko jardunaldietan parte hartzaileen artean jasotako proposamenak kontuan izanda. Jardunaldi hauen helburua aditu batzuen eskutik sexu heziketa eta genero hezkuntzari buruzko informazioa jaso, modu erabilgarriak ezagutu, eta hausnarketa bat egitea da.

Orrialdea 1/6